أفضل تخسيس

كتبها: محمد حسين

العدد الأول - رياضة

كل الناس بيدوروا على أحسن طرق التخسيس وخصوصاً السيدات لإن إهتمامهم بالمظاهر أكثر من الرجال وفي الحالتين الكل بيلجأ لحلول مؤقتة ممكن تخسس فترة والجسم يرجع تانى زي ما كان لو ابتعدنا عن الطرق دي ، زي الأعشاب والأدوية والرجيم والعمليات وطبعا كل واحد فيهم له عيوبه ومخاطره ، الادوية غلط على الكبد وبتسبب إكتئاب والعمليات بتاثر على القلب يمكن الرجيم اللى ملهوش مخاطر بس علاج غير فعال لمشكلة السمنة.

كل الناس بيدوروا على أحسن طرق التخسيس وخصوصاً السيدات لإن إهتمامهم بالمظاهر أكثر من الرجال وفي الحالتين الكل بيلجأ لحلول مؤقتة ممكن تخسس فترة والجسم يرجع تانى زي ما كان لو ابتعدنا عن الطرق دي ، زي الأعشاب والأدوية والرجيم والعمليات وطبعا كل واحد فيهم له عيوبه ومخاطره ، الادوية غلط على الكبد وبتسبب إكتئاب والعمليات بتاثر على القلب يمكن الرجيم اللى ملهوش مخاطر بس علاج غير فعال لمشكلة السمنة.

العلاج من السمنة فى العالم كله بالرياضة بدليل إن الرياضيين بيعرفوا يتحكموا في وزنهم بسهولة.

التخسيس الأمثل بيكون بتغيير أسلوب الحياة خصوصاً لو كان الشخص اللى عايز يخس موظف او بيقعد على مكاتب فترات طويلة

الفرد اللى بيمارس رياضة ساعة فى اليوم بيحمى نفسه من السرطان وأمراض القلب و اضطراب الدورة الدموية وأمراض الكلى ، لإن الرياضة بتنشط الدورة الدموية وبتساعدها على إخراج السموم اللى فى الجسم ، المهم إن التخسيس بالرياضة أسهل وأريح خصوصاً وان الرجيم ممكن يسبب اكتئاب لإن الشعور بالراحة النفسية بيكون متزامن مع الفيتامينات اللى بتذوب فى الدهون ، معنى كدة إن البني آدم الطبيعي مش هيقدر يستمر على الرجيم للأبد فكان الحل اللى لجأ إليه علماء اللياقة البدنية فى العالم هو الرياضة كأسلوب حياة بمعنى إن الانسان ياكل زي ماهو عايز بشرط أن يحسب هو كل قد ايه من السعرات الحرارية ويحسب هو هيحرق منها كام فى الشغل والرياضة وحياته العامة بمعنى لو البنى آدم بيدخل جسمه 5000 سعر حراري فى اليوم لو بيحرق 4000 في الشغل والرياضة معنى كدة انه بيخزن 1000 سعر حراري على شكل دهون معنى كدة انه هيكتسب فى اليوم ما يعادل 100 جرام دهون فى اليوم ، ولو بيفقد 6000 سعر حراري يبقى بيفقد 100 جرام دهون فى اليوم ومع فقد الدهون بتكسبه الرياضة قوة وحيوية عكس كل أنواع التخسيس الأخرى اللى بتتسبب فى حالة خمول وحالة نفسية سيئة معنى كده إن أسلوب الحياة هو اللي بيحدد وزن الشخص مش أي شىء تانى.