اختار جنتك

كتبها: محمد حسين

العدد الأول - إحنا

فى وسط عالم تعلم السكوت ، تعلم الظلم البارد لكل ما هو برىء وطاهر ، نعيش بلا أمل إلا بالله ، بلا وطن إلا مصرنا كما نتمناها ولكن هل احنا عارفين قيمة الوطن اللى إحنا عايشين فيه؟!

فى وسط عالم تعلم السكوت ، تعلم الظلم البارد لكل ما هو برىء وطاهر ، نعيش بلا أمل إلا بالله ، بلا وطن إلا مصرنا كما نتمناها ولكن هل احنا عارفين قيمة الوطن اللى إحنا عايشين فيه؟!

ناس كتير فى بلاد كتير متغربين عرفوا قيمة مصر ، ممكن يكونوا استريحوا مادياً براها لكن بيحنو لها ، بيحنوا لقسوتها قبل حنيتها قسوة الأم عشان تعلم ولادها ، عشان مهما كانت قاسية ، هتكون أحن عليهم من أي حد تاني ، هي دى مصر أٌم دفعت كل رخيص وغالى عشان ولادها وفي الآخر ولادها سايبنها مبيساعدوهاش تعرفوا ليه؟ عشان محدش فكر فيها قبل ما يفكر فى نفسه ، ممكن تقول هي عملتلى ايه ما هي مطلعه عيني وقرفاني ، بس متنساش هي اللى عالجتك لما عييت هي اللى شربت من ميتها لما عطشت ممكن تكون اتلوثت أو حد واقف بيننا وبين خيرها ، اللى واقف واحد مننا مش هي ، هي بتدي ومبتبخلش مبخلتش فى اكتوبر ولا بخلت فى كل عصر إدت ولاد يهدوا جبال ، إدت بنات العفة ، اتعلمت منهم ، إدت كل حاجة مستنتش ، المشكلة فينا مش فيها ، المشكلة فى اللى نسيوا انه زى ما فى حق لينا علينا واجب.

أيوة واجب ولا ناسيين اللى قبلينا حررورها وحافظوا عليها وده دورنا عشان نعزها ونرفعها فوق بين السماء ، ممكن تكون حاجة صعبة بس مش مستحيلة ، مصر أُمنا رضينا ولا أبينا ، حدد انت عايز بلدك تكون إزاى وحولها للجنة اللى تتمناها.

حولها لجنة ولادها حمينها بياكلوا من خيرها ، وخيرها مش لغيرهم خيرها مبيروحش لواحد ولا اتنين خيرها بيعم كل الناس.